من مكالمات كثيرة مع الموردين، لطلب واضح من مكان واحد
فيديو إعلاني لكريدا موجّه للمشترين التجاريين
بعد فيديو الموردين، سوّينا لكريدا فيديو ثاني مدته دقيقة و40 ثانية تقريبًا، موجّه للطرف الثاني: المتاجر والمطاعم والأسواق. يبدأ بمشكلة يعرفها كل صاحب محل، مكالمات كثيرة عشان نفس المعلومة، وبعدها يورّيه كيف يلقى الموردين ويطلب ويتابع ويسدد من المنصة.
المشتري التجاري يهمه شي واحد: يلقى المورد الصح بسرعة، ويعرف وين وصل طلبه، ويسدد بدون لخبطة. والتحدي كان إن الفيديو يكلّمه بلغته ومن مشكلته اليومية، مو من خصائص المنصة، عشان يحس إن كريدا معمولة له.
- 1 حددنا الجمهور: أصحاب المتاجر والمطاعم والأسواق اللي يشترون بالجملة.
- 2 بدأنا من مشكلتهم اليومية، مكالمات كثيرة عشان نفس المعلومة، بدل ما نبدأ بالخصائص.
- 3 عرضنا شاشات المنصة من جهة المشتري: السوق، والطلبات، والمدفوعات، ولوحة المتابعة.
- 4 كتبنا جمل قصيرة على الشاشة مثل «تعاملات موثقة» و«علاقة تجارية أوضح» تنقرى حتى بدون صوت.
- 5 خلينا الشكل نفس فيديو الموردين عشان الاثنين يبانون من نفس البراند.
بدأنا بلقطة لصاحب مطعم على الجوال، يسأل نفس السؤال لأكثر من مورد. وبعدها انتقلنا لشاشات المنصة: السوق والموردين، والطلبات وحالتها، والمدفوعات. وختمنا بمصافحة بين المورد والمشتري، وجملة «من الطلب إلى التحصيل، تجارتك أوضح».
صار عند كريدا فيديوهين يكمّلون بعض، واحد للموردين وواحد للمشترين، وتقدر تشغّلهم في حملات منفصلة لكل جمهور. وخلصنا فيديو المشترين في 5 أيام.
لقطات من فيديو كريدا للمشترين
من مشكلة المكالمات لين العلاقة التجارية الأوضح.
